Yfir stendur undirskriftasöfnun vegna stöðu grunnnáms listdansskólanna en staðan er alvarleg þar sem grunnnámið er verulega fjársvelt og fær ekki sömu styrki og annað listnám hér á landi.
Við hvetjum alla félagsmenn til þess að skrifa undir en undirskriftalistinn verður svo afhentur mennta- og barnamálaráðherra með þeirri kröfu um að komið verði til móts við listdansskólanna í þessum málum.
Gera þarf betur í að tryggja börnum og ungmennum jöfn tækifæri er kemur að vali á listnámi, óháð því hvaða listgrein eða tómstund á í hlut. Engin lög eru til um starfsemi listdansskóla og fjárframlög til listdansnáms eru ótrygg og í engu samræmi við umfang námsins. Til að listgreinin dans geti þróast á faglegum forsendum og á jafnréttisgrundvelli í landinu þarf að koma á lagasetningu og fjárstuðningi frá ríki og sveitarfélögum með listdansnámi sem fyrst.
Jöfn tækifæri fyrir börnin okkar,
óháð hæfileikum þeirra og vali á listnámi
Undirskriftarlistann er að finna hér: